World Rotaract Week X District Service Project 2019-2020
每一次生日都係獨一無二，而今年扶青生日似乎更有多一重意義。
Every birthday is one of a kind, and it is typically true for this year Rotaract birthday.
Online Campaign – 青訴
A post shared by Rotaract, RI D3450 (@rotaract_3450) on Mar 3, 2020 at 2:30am PST
A post shared by Rotaract, RI D3450 (@rotaract_3450) on Mar 10, 2020 at 3:31am PDT
A post shared by Rotaract, RI D3450 (@rotaract_3450) on Mar 17, 2020 at 4:01am PDT
A post shared by Rotaract, RI D3450 (@rotaract_3450) on Mar 24, 2020 at 3:30am PDT
Online Campaign – 青遇
【WRW x DSP 2019-2020】 . 因工作需要，清潔工人為其中一個抗疫期間最需要支援的社群。 . 我和友人決定到垃圾站附近派發口罩，以解他們的燃眉之急。於是我們手抱簡單的物資包，到垃圾站附近派發。 . 從遠處看見一位清潔姨姨臉上的CSI口罩，友人笑言：「喂，佢有CSI口罩呀！」我笑道：「勁呀，咁似乎我哋未必需要派俾佢。」「問吓佢點解有先！」 . 我們好奇地走進公園內的垃圾站，細小的空間裏有三位清潔姨姨正坐着休息。 . 「咦，你哋都有口罩喎，係咪公司派俾你哋㗎？」我隨口問道。 姨姨們馬上七嘴八舌地回應：「派咩呀，呢個我自己㗎。」「唔好話派，連買都買唔到。」「我日日返工，邊有時間。屋企人排咗幾次都買唔到…」 . 閒談間，我還以為自己看錯，發現原來她們的CSI口罩上起了不少毛粒。由於站內燈光微弱，我再仔細看她們的口罩，整個口罩的顏色也減淡了不少。 「你個口罩做咩起毛粒嘅？唔用得㗎啦喎。」我驚訝地問。 「係呀，我個口罩洗過好多次啦，洗完曬乾又繼續用。洗到薄咗，我仲有加多張紙巾喺中間㗎。」姨姨露出自豪的笑容，就像小朋友很滿意自己的作品一樣。 友人隨即說：「哎呀！你知唔知口罩唔可以洗㗎？」 我也感到不忍：「你個口罩除咗洗到起毛粒之外，仲有啲透，咁點可以保護到你呀？」 . 隨即，我們拿出三包有口罩和酒精搓手液的禮物包給她們，並告訴她們正確的口罩使用方式。 「有口罩可以換啦！」「多謝你哋呀，點解你哋咁好人嘅？」 姨姨們笑得眼睛瞇成一線，伸手向我們道謝。 「以後記得唔好再洗口罩呀！」友人再三提醒。 其後與她們道別，再轉身離開。 . 「好在有走入去睇吓，原來起晒毛粒…」 「原來除咗蒸口罩，真係會有人需要洗口罩…」 「嗯…」 . . — RAC HKCN Candy Wan —————————————————————- 小編： 如果當初你一嚟就假設佢哋係已經有「充裕」嘅口罩而冇行到入去，個結局可能已經好唔同。好多時我哋會容易先入為主，影響到當下嘅決定；但往往喺深入了解之後，先會有另一番答案。 . 到底應該用咩標準去判斷咩人先係有需要，或者從來都冇最正確嘅答案，亦都唔需要發問呢個問題。不過我哋相信，喺選擇善良嘅路上，你並不孤單，只係有啲怕醜姐。好慶幸你有做到呢個舉動；相信嗰三位姨姨都會好感激你。 . 聰明是一種天賦，而善良是一種選擇。 註：CSI為食環署及房屋署所派發予外判前線清潔工的口罩牌子 #WRWxDSP1920 #WRWxDSP1920_青遇 #WRWxDSP1920_touch青 #WorldRotaractWeek #rid3450
A post shared by Rotaract, RI D3450 (@rotaract_3450) on Mar 4, 2020 at 3:33am PST
【WRW x DSP 2019-2020】 . 那是肺炎還未得到眾人目光的時候。 . 正進行遊戲中的我們，看到一位老伯坐在路旁的垃圾堆裏，整理他拾荒後堆積如山的收穫。那紙皮堆得比坐在地上的他還要高，粗糙的手拿著鎅刀，一下一下地刻劃著。 . 老伯看起來並不那麼親切，一臉生人勿近。 . 其實我們大可以轉身離開，然而當下我們互相對視。所謂「多個人多雙手」，我們還是決定嘗試幫幫老伯，好讓他能早點回家。 . 「伯伯，我哋一齊幫手，好嗎？」 意外地，老伯臉上露岀了一抹微笑，說道「好」。 . 比起一切感謝的言語，這個微笑更讓我們滿足。 . 我們九個人開始拉高衣袖，一些幫忙堆疊，一些幫忙整理。過程中與老伯交談，得知他少時從事地盤工作，因家人離去，身體狀況亦大不如前，為維持生計只好拾荒過活。 . 後來我們從海南雞店的老板娘口中得知，老伯其實十分慷慨，時常在假日買汽球送給街上的孩子。原來他並非我們想像中難以接近。 . 老伯不富有，但仍願意分享，這是我們所有人都應該學習的。 . 一個月多過去，不知老伯現時生活如何，有沒有足夠的口罩，身體仍否健康。 但願一切安好。 . . — RAC OUHK 2020-2021 Zogenia —————————————————————- 小編： 唔知下次你同朋友再經過嗰個街角，會唔會諗返起哩位伯伯，佢背後嘅故事，小朋友收到伯伯氣球嗰陣臉上嘅笑容，又或者，佢而家夠唔夠口罩用呢？ . 可能我哋習慣咗做服務之前要仔細咁構思好多計劃，服務對象等等，但其實做服務可以好簡單好隨心，好似佢哋咁，鼓起勇氣，問一句「我哋一齊幫手，好嗎？」 . 或者我哋未必改變到世界，但我哋可以試吓改變一個人嘅世界。 . (心心) #WRWxDSP1920 #WRWxDSP1920_青遇 #WRWxDSP1920_touch青 #WorldRotaractWeek #RID3450
A post shared by Rotaract, RI D3450 (@rotaract_3450) on Mar 11, 2020 at 3:59am PDT
©Copyright by<br>
